«Ишенимдин сыры улуу экендиги шексиз: Кудай адам болуп келди, Анын адил экендиги Рух аркылуу далилденди, Ал периштелерге кɵрүндү, элдер арасында жар салынды, дүйнɵдɵ ишеним аркылуу кабыл алынды, даңк менен жогору кɵтɵрүлдү.» 1Тиметейге 3:16
«Библия» деген ат гректин «библос» деген сөзүнөн келип чыккан, ал «китеп» деп которулат. Ушундай аталгандыгынын себеби: Библия бир китеп болуп эсептелбейт, ал болжол менен 40 жазуучу жазган 66 китептен турат. Ал жазуучулардын арасында падышалар: Дөөт, Сулайман; окумуштуулар жана дарыгерлер: Ышайа, Лука; мамлекеттик жогорку ишмерлер: Муса, Даниел, Некемия; диний окутуучулар: Эзра, Пабыл; музыканттар: Асаф, Корактын уулдары; пайгамбарлар: Жезекиил, Жоел ж.б. болгон. 66 китептен турган жыйнак жазылышы үчүн болжол менен 1500 жыл талап кылынган.
Библия Байыркы Келишим жана Жаңы Келишим болуп экиге бөлүнөт. Байыркы Келишимге 39 китеп кирген жана Жаңы Келишимге 27 китеп кирген.
.jpg)
