This is this sidebar for a particular page. It can be edited by editing a page from within the control panel.
Библия китебинде Жакандын биринчи катынан: "Кудай - жарык, Анда эч кандай караңгылык жок", - деп окуйбуз (1, 5). Кудай таза жана жеткилең (Мт. 5, 48), ошон үчүн периштелер: "Себайот Теңир ыйык, ыйык, ыйык!" - деп үн салышат (Ыш. 6, 3). Ал - жарыктын Атасы (Жкп. 1, 17), ошон үчүн Ал эч качан жамандык жасабайт. Библия жамандыктын пайда болуусун шайтандын күнөөгө батуусу менен байланыштырат. Шайтан башында керуп - жарыктын периштеси болгон, бирок "баарынан жогору турган Кудайга окшош" болууну каалаган (Ыш. 14, 14). Жезекиил китебинде анын текебердиги жана күнөөгө батып кулоосу сүрөттөлөт:
"Сенден мыйзамсыздык табылганга чейин, сен жаралган күнүңдөн бери өз жолуңда жеткилең элең. Сенин соодаң кеңири жайылгандыктан, ичиң жалгандыкка толду, сен күнөөгө баттың. Мен сени таза эмес катары Кудайдын тоосунан кулаттым, калкалап турган керуп, сени оттуу таштардын арасынан кууп жибердим. Сулуулугуңдан жүрөгүң текеберденди. Менменсингендигиң акылмандыгыңдан ажыратты. Мен сени жерге кулаттым..."
Алгачкы адамдар азгырыкка алдырып, күнөөнүн кулу болуп калышкан. Жамандык бул дүйнөгө ошентип кирген. Азезил да бул дүйнөгө ошентип келгени анык: "...анткени биз адамдарга каршы эмес, башчыларга, бийликтерге, бул караңгы дүйнөнүн башкаруучуларына жана асман астындагы жаман рухтарга каршы күрөшөбүз" (Эф. 6, 12).